Matloob Warraich

ایدھی ایک شاہی فقیر

Dated: 12-Jul-2016

بھکاریوں کی کئی قسمیں ہوتی ہیں۔ ایک جو سڑکوں پر مانگتے ہیں ،گلیوں اور گھروں میں جا کر مانگتے ہیں ،ایک وہ ہوتے ہیں جو صرف اپنے رب سے مانگتے ہیں اور انسانوں کی ایک اور قسم بھی ہوتی ہے جو آئی ایم ایف سے قرضہ مانگ کر قوم کو قرضوں کی دلدل میں پھنسا دیتی ہے اور پھر ایک دن اس قوم کا ہر پیدا ہونے والا بچہ ایک لاکھ پینتیس ہزار روپے کا مقروض بن کر پیدا ہوتا ہے۔ عبدالستار ایدھی بھی ایک فقیر تھا جو موسمیاتی سختیوں کی پرواہ نہ کرتے ہوئے ،اپنی عمر اور صحت کا لحاظ نہ رکھتے ہوئے ہر وقت اپنے رب سے پاکستان کے غریب انسانوں کے لیے مانگتا رہتا۔یقینا وہ شاہی فقیر تھا۔
معمولی تعلیم کے حامل عبدالستار ایدھی نے انسانیت کی خدمت کوشعار بنایا توعظمت کے بلند ترین مرتبے پر فائز ہوئے۔ایسے مرتبے پر جس پر فائز ہونے کے بارے انسان سوچ ہی سکتا ہے مگر ایدھی صاحب نے کبھی ایسی خواہش نہیں کی تھی۔انہیں انسانیت کے کاموں سے ہی فرصت نہیں تھی۔ عبدا لستارایدھی گیارہ برس کے تھے تو ان کی وا لدہ فا لج کا شکار ہو گئیں اور اس کے بعد وہ 9 سال زند ہ ر ہنے کے بعد خا لق حقیقی سے جا ملیں، عبدالستار ایدھی نے وا لدہ کی بیما ری میں ان کی بہتر ین خدمت کی۔وا لدہ کی بیما ری کے دوران ہی انہوں نے بزرگ افراد کی دیکھ بھا ل کے لیئے ایک ادارہ قا ئم کر نے کا فیصلہ کیااور کچھ عرصہ بعد انہوں نے کمیو نٹی کی مدد سے اید ھی ٹر سٹ کے نام سے ایک ر فاہی ادار ہ قائم کیا۔ آج ایدھی فائونڈیشن کے تحت 600 سے زائد ایدھی ایمبولینسز کام کر رہی ہیں، ایدھی فائونڈیشن نے کلینک، زچگی گھر، پاگل خانے، یتیم خانے، معذوروں کیلئے گھر، بلڈ بنک، لاوارث بچوں کو گود لینے کے مراکز، پناہ گاہیں اور سکول قائم کئے۔ اس کے علاوہ غریبوں کو کھانا فراہم کرنے کا سلسلہ بھی شروع کیا گیا تھا جس کے تحت ایدھی مراکز پر ہزاروں کی تعداد میں غریبوں اور مزدوروں کو دو وقت کی روٹی دی جاتی ہے۔ وہ 6 دہائیوں سے ایدھی فائونڈیشن چلا رہے تھے۔ انہوں نے اس کام کیلئے کبھی فائونڈیشن سے تنخواہ نہیں لی۔ عبدالستار ایدھی کو 2010ء میں یونیورسٹی آف بیڈفائرشائر کی طرف سے ڈاکٹریٹ کی اعزازی ڈگری بھی دی گئی۔ان کی فائونڈیشن کا نام گینز بک آف ورلڈ ریکارڈ میں شامل ہے۔
عبدالستار ایدھی نے سیاست میں بھی قسمت آزمائی کی جہاں انہیں کبھی کامیابی ملی تو کبھی شکست کا سامنا کرنا پڑا۔ ایوب دور میں بنیادی جمہوریت کے انتخابات میں بلامقابلہ کامیاب ہوئے،1964میں انہوں نے ایوب خان کے خلاف محترمہ فاطمہ جناح کا ساتھ دیا۔1970 کے انتخابات میں آزادامیدوارکی حیثیت سے قومی اور صوبائی اسمبلی کی دونوں نشستوں پر ہارگئے۔1982 میں جنرل ضیا الحق نے انہیں مجلس شوری کاممبربنایا مگر سادہ طبیعت کی وجہ سے انہیں یہ سب پسندنہ آیا اور وہ مجلس شوریٰ کے بہت کم اجلاسوں میں شریک ہوئے اورپھرسیاست کوہمیشہ کے لئے خیربادکہہ دیا۔ وہ 2013ء سے گردوں کے عارضے میں مبتلا تھے۔ انہیں بیرونِ ملک علاج کی پیشکشیں ہوئیں مگر انہوں نے ملک سے باہر علاج کرانے سے انکار کردیا۔
اید ھی ٹر سٹ نے افریقہ ، مشرق وسطی، کا کسس، مشرقی یورپ اور امر یکہ میں بھی مشکل کی گھڑی میں مو جود لو گوں کو خد مات فرا ہم کیں۔انہیں حکو مت پا کستان کی جا نب سے انسا نیت کی خد مات کے صلے میں نشا ن امتیاز سمیت متعدد ایوارڈز سے نوازا گیا ، پا ک فو ج کی جا نب سے شیلڈ آ ف آ نر عطا ء کی گئی جبکہ عالمی سطح پر بھی لینن پیس پرا ئز کے علا وہ متعدد نا مور ایوارڈز حا صل کئے۔
عبدالستار ایدھی کی انسانیت کے لئے بے بہا اور لازوال قربانیوں کی بدولت ہی دنیا ان کے شایان شان انکو لقب دے رہی ہے۔واشنگٹن پوسٹ نے لکھا عبدالستار ایدھی پاکستانی غریبوں اور ضرورت مندوں کے ہیرو تھے۔ الجزیرہ نے انہیں پاکستان کی مدر ٹریسا لکھا۔ دی گارڈین نے انہیں اینجل آف مرسی کہہ کر خراج عقیدت پیش کیا۔ دی ٹیلی گراف نے لکھا پاکستانی انسان اور انسانیت دوست کہا ہے۔ میل آن لائن نے انہیں لیجنڈری پاکستانی سوشل ورکر کہا۔ نیویارک ٹائمز نے عبدالستار ایدھی کو پاکستانی فادر ٹریسا کا لقب دے دیا۔ امریکی میڈیا نے انہیں خدائی خدمت گار قرار دیا ہے۔
 ایدھی صاحب نے اپنے کئی اعضا عطیہ کرنے کی وصیت کی تھی۔وصیت کے مطابق ان کی آنکھیں گزشتہ روز 2 افراد کو لگا دی گئیں۔عبدالستار ایدھی ہم میں نہیں رہے مگر ان کی آنکھیں دنیا کو دیکھ رہی ہیں۔ان کی تدفین کے مناظر کو کروڑوں افراد نے اشک بار آنکھوں سے براہِ راست دیکھا اور لاکھوں افراد موسم کی بے رحمانہ شدت کے باوجود جنازے میں موجود تھے۔فوجی قیادت کا جنازے میں شریک ہونا ایک بہت بڑے اعزاز کی بات جو خال ہی کسی سویلین کا مقدر ہوتاہے۔
جس دن ایدھی کو دفنایا گیا عین اس روز ہمارے وزیر اعظم لندن اپنے علاج کی نوٹنکی کے بعد واپس پاکستان لوٹے۔پاکستان میں لوگ کہہ رہے ہیں کہ وزیر اعظم دورے پر پاکستان آئے ہیں۔ایک طرف وہ ایدھی جو پیسہ پیسہ اکٹھا کرکے انسانیت کی خدمت کرتے تھے اور اس میں سے اپنی ذات پر خرچ کرنے کو حرام سمجھتے تھے دوسری طرف لندن وزیر اعظم ایک شاہ اور شہزادے کی طرح پاکستان میں وارد ہوئے۔ لندن ان کو ہنگامی طور پر پاکستان نہیں آناتھا،وہ روٹین میں سیٹیں بُک کرا کے آسکتے تھے مگر انہوں نے لندن میں خصوصی طیارہ منگوایا۔
وزیراعظم کی علالت کے باعث وزیراعظم ہائوس کا کیمپ آفس عارضی طور پر لندن منتقل کیا گیا تھا۔کیمپ آفس کو وہاں اور پھر واپس پاکستان منتقل کرنے میں کتنے اخراجات آئے ہونگے۔ وزیراعظم محمد نواز شریف کو وطن لانے کے لئے پی آئی اے کا بوئنگ 777 استعمال کیاگیا۔ پی آئی اے کے حاشیہ بردار اور کاسہ ترجمان جواز پیش کرتے ہیںکہ وزیراعظم چونکہ لندن میں اپنے عملے کے ساتھ امور حکومت دیکھ رہے تھے جس کے لئے کیمپ آفس لندن میں قائم کیا گیا تھا جس کے لئے دستاویزات اور عملہ لندن میں موجود تھا۔ چونکہ پی آئی اے کی معمول کی پروازوں میں اتنے سامان اور مسافروں کو لانے کی گنجائش نہیں تھی اس لئے پی آئی اے نے اس مقصد کے لئے خصوصی طیارہ لندن بھیجا۔لندن سے صرف پی آئی اے ہی اپریٹ نہیں کرتی اوربھی کئی ایئر لائنز ہیں۔پوری سرکس کاایک ہی جہاز اور پرواز میں سفر کرناآئین میں نہیں لکھاتھا۔
اس موقع پر من پسند صحافیوں کو ایئر پورٹ پر بلایا گیا تھا۔ وزیراعظم نے ایک سوال کے جواب میں کہا کہ عبدالستار ایدھی کی ملک کے لئے لازوال خدمات ہمیشہ یاد رکھی جائیں گی۔ ہم بھی خدمت کی نئی تاریخ رقم کریں گے۔وہ پاکستان نہ آتے تو پاکستان کی زیادہ خدمت ہوتی۔ان کے بغیر ملک زیادہ بہتر طریقے سے چل رہا تھا۔ان کی آمدپرلاہور ائرپورٹ کے اطراف دوہزار پولیس اہلکار تعینات تھے جبکہ انہوں نے ان سڑکوں سے گزرنا ہی نہیں تھا جہاں دن بھر اہلکار گرمی اورحبس میں کھڑے رہے۔انہیں خصوصی ہیلی کاپٹر کے ذریعے رائے ونڈ روڈ جاتی عمرہ پہنچا یا گیا۔وزیر اعظم کی آمد پر ایئرپورٹ سے جاتی عمرہ تک روٹ لگایا گیاتھا۔سیکورٹی اہلکاروں نے اردگرد کے علاقے میں سرچ اپریشن کیا۔شہر کے داخلی راستوں پر سخت چیکنگ سے عام شہریوں کو عذاب میں ڈالا گیا۔پانامہ لیکس کا حساب دینے سے راہ فرار اختیار کرنے والے قوم کے وسائل پر ہاتھ صاف کرنے سے باز نہیں آرہے۔ایدھی صاحب انسانوں اور انسانیت کے لئے رحمت کا فرشتہ تھے ،قوم کے وسائل لوٹنے والوں کو دوزخ کا داروغہ نہ کہا جائے تو اور کیا کہا جائے۔وہ شاہی فقیر تھے جو امیروں سے لے کر غریبوں میں بانٹتے تھے ۔
12جولائی 2016ء

Column Name

Matloob

Warraich

Matloob

Warraich

Matloob

Warraich

ADDRESS

QUICK LINKS

Newsletter